కలెక్షన్ల రేసులో 'భాగ్ మిల్కా భాగ్' ముందంజ!

14 Jul, 2013 23:41 IST|Sakshi
కలెక్షన్ల రేసులో 'భాగ్ మిల్కా భాగ్' ముందంజ!

బాలీవుడ్ కలెక్షన్ వసూళ్ల రేసులో 'భాగ్ మిల్కా భాగ్' దూసుకుపోతున్నట్టు తెలుస్తోంది. ఈ వారాంతానికి 30 కోట్ల రూపాయలను వసూలు చేసే అవకాశం ఉంది అని మల్టిమీడియా కంబైన్స్ సంస్థకు చెందిన రాజేష్ తడానీ వెల్లడించారు. శుక్ర, శనివారాల్లో భాగ్ మిల్కా భాగ్ 18 కోట్లు రూపాయలను వసూలు చేసింది బాలీవుడ్ వర్గాల్లు వెల్లడించాయి.

'ఫ్లయింగ్ సిక్కు'గా ప్రసిద్ధిగాంచిన అథ్లెట్ మిల్కా సింగ్ జీవిత కథను ప్రముఖ దర్శకుడు రాకేశ్ ఓం ప్రకాశ్ మెహ్రా 'భాగ్ మిల్కా భాగ్' చిత్రంగా తెరకెక్కించాడు. జూన్ 12న విడుదలైన ఈ చిత్రంపై విమర్శకుల నుంచి మిశ్రమ స్పందన లభిస్తోంది. దేశ రాజధాని ఢిల్లీలో 'భాగ్ మిల్కా భాగ్' చిత్రానికి ఆమోఘమైన స్పందన లభిస్తోంది అని ప్రముఖ దర్శకుడు సుభాష్ ఘాయ్ తెలిపారు. శుక్రవారం షార్ట్స్, సిక్స్టీన్ చిత్రాలతోపాటు 'భాగ్ మిల్కా భాగ్' విడుదలై కలెక్షన్ల వసూళ్లలో అగ్రస్థానంలో ఉంది.