బిగ్బాస్ రెండో సీజన్‌లో నాని తన హోస్ట్‌తో ఆకట్టుకున్నాడు. మొదటి సీజన్‌తో పోలిస్తే.. రెండో సీజన్‌ కాస్త వెనకబడింది. దీంతో నాని హోస్టింగ్‌పై కొన్ని విమర్శలు వచ్చాయి. దీంతో మూడో సీజన్‌కు హోస్ట్‌గా వ్యవహరించనని ముందే తేల్చి చెప్పేశాడు. ఇక మూడో సీజన్‌కు సంబంధించి కింగ్‌ నాగార్జున తనదైన స్టైల్‌తో ముందుకు నడిపిస్తున్నాడు. గత వారం తన పుట్టిన రోజు వేడుకల కారణంగా హోస్టింగ్‌ చేయలేకపోయాడు. దీంతో రమ్యకృష్ణ హోస్ట్‌గా మెరిసింది. హౌస్‌మేట్స్‌తో పాటు ఆడియెన్స్‌ను మెప్పించింది.
ఇక ఈ వారం నాగార్జున వచ్చేశాడు. శనివారం నాటి ఎపిసోడ్‌లో ఇంటి సభ్యులపై కొన్ని ఫిర్యాదులు చేశాడు. వాటి సరిచేసుకోమని సలహా ఇచ్చాడు. ఇక నేటి ఎపిసోడ్‌లో నాగ్‌తో పాటు నాని కూడా హోస్ట్‌గా వ్యవహరించబోతోన్నట్లు తెలుస్తోంది. గ్యాంగ్‌ లీడర్‌ సినిమా ప్రమోషన్స్‌లో భాగంగా బిగ్బాస్ స్టేజ్‌పై ఎంటర్‌టైన్‌ చేయడానికి వచ్చిన నాని.. పనిలోపనిగా హోస్టింగ్‌ కూడా చేయనున్నాడు. ఈ సండేను ఫండే చేయడానికి నాగార్జున, నాని ఇద్దరు కలిసి ఎంటర్‌టైన్‌ చేయనున్నారు. ఒక స్టేజ్‌ ఇద్దరు హోస్ట్‌లు ఇక పండగే. మరి వీరిద్వయం హౌస్‌మేట్స్‌తో కలిసి చేసే అల్లరి చూడాలంటే ఇంకొన్ని గంటలు ఆగాలి.
