ప్రస్తుతం తెలుగు ఇండస్ట్రీలో స్టార్ కమెడియన్గా యమా బిజీగా ఉన్న 30 ఇయర్స్ పృథ్వి ఓ భారీ సాహసానికి రెడీ అవుతున్నాడు. యంగ్ హీరోలు కూడా రిస్క్ అనుకునే సిక్స్ప్యాక్ సాధించటానికి కండలు కరిగిస్తున్నాడు. ఈ విషయాన్ని పృథ్వి స్వయంగా ప్రకటించాడు. తెలుగులో మంచి ఫాంలో ఉన్న పృథ్వి ఇంత రిస్క్ తీసుకుంటుంది మాత్రం తెలుగు సినిమా కోసం కాదట. ఇప్పుడిప్పుడే కోలీవుడ్లో కూడా ఫాం అందుకుంటున్న ఈ కామెడీ స్టార్, ఓ తమిళ సినిమా కోసం సిక్స్ప్యాక్ చేసే పనిలో ఉన్నాడు.
గతంలో కమెడియన్గా ఎంట్రీ ఇచ్చిన సునీల్ కూడా సిక్స్ప్యాక్లో సందడి చేశాడు. అయితే సునీల్ హీరో అయ్యాకే సిక్స్ప్యాక్తో కనిపించాడు. కానీ పృథ్వి మాత్రం కామెడీ పాత్ర కోసమే ఇంత రిస్క్ చేస్తున్నాడు. అజిత్ హీరోగా తెరకెక్కుతున్న తమిళ సినిమాలో మూగవాడి పాత్రలో నటిస్తున్న పృథ్వి, ఆ సినిమా క్లైమాక్స్లో షర్ట్ విప్పి కనిపించే సీన్స్ ఉన్నాయట, ఆ సీన్స్లో సిక్స్ప్యాక్ చేస్తే బాగుంటుందని అజిత్ సలహా ఇవ్వటంతో ఇప్పుడు అదే పనిలో ఉన్నాడు ఈ కామెడీ స్టార్.
