‘ప్రేమంటే సులువు కాదురా.. అది నీవు గెలవలేవురా... ప్రేమించ షరతులేమిటో..’ అంటూ ‘ఖుషీ’ చిత్రంలో పవన్ కల్యాణ్, భూమిక పాడుకున్న పాట ఇప్పటికీ యువత మదిలో మెదులుతూ ఉంటుంది. ఇప్పుడా ప్రస్తావన ఎందు కంటే.. ‘ప్రేమంటే సులువు కాదురా’ పేరుతో ఓ చిత్రం తెరకెక్కింది. ప్రముఖ సంగీత దర్శకుడు కోటి తనయుడు రాజీవ్ సాలూరి, సిమ్మీదాస్ జంటగా చందా గోవిందరెడ్డిని దర్శకత్వంలో భవనాసి రాంప్రసాద్ నిర్మించారు.
ఈ చిత్రం రిలీజ్‌కి రెడీగా ఉంది. నిర్మాత మాట్లాడుతూ- ‘‘కుటుంబ భావోద్వేగాలకు పెద్దపీట వేస్తూ తీసిన చిత్రమిది. ఫీల్ గుడ్ ఎమోషనల్ లవ్‌స్టోరీ. ‘మా అబ్బాయి నటించిన చిత్రాల్లో ఇది బెస్ట్’ అని కోటిగారు ప్రశంసించడం మరచిపోలేను. నందన్‌రాజ్ స్వరపరచిన పాటలకు మంచి స్పందన వచ్చింది. కమలాకర్ రీ-రికార్డింగ్ హైలెట్’’ అన్నారు. ఈ చిత్రానికి సహ నిర్మాతలు: కొమారి సుధాకర్‌రెడ్డి, శ్రీపతి శ్రీరాములు.
