‘‘ఎప్పుడూ వర్క్‌ వర్క్‌ అంటూ రోబోలా ఉండటం నాకు ఇష్టం లేదు. స్నేహితులు, కుటుంబ సభ్యులకు సమయం కేటాయిస్తూ హ్యాపీ లైఫ్‌ లీడ్‌ చేయాలనుకుంటున్నాను’’ అని అంటున్నారు బాలీవుడ్‌ బ్యూటీ కరీనా కపూర్‌. ఈ ఏడాది ‘వీరే దే వెడ్డింగ్‌’ సినిమాతో వెండితెరపై మెరిసిన ఈ బ్యూటీ నెక్ట్స్‌ అక్షయ్‌ కుమార్‌ సరసన ‘గుడ్‌ న్యూస్‌’ అనే చిత్రంలో నటించనున్నారు.
ఇప్పుడు ‘వాట్‌ విమెన్‌ వాంట్‌ ఆన్‌ ఇష్క్‌’ అనే రేడియో షోకు రెడీ అవుతున్నారు. అటు సినిమాలు ఇటు రేడియో షో. మరి.. ఈ రెండింటినీ ఎలా బ్యాలెన్స్‌ చేస్తారు? అని కరీనాను అడిగితే... ‘‘వారంలో వరసగా నేను నాలుగు రోజులు పనిచేస్తే తర్వాతి మూడు రోజులు వర్క్‌ చేయను. ఫ్యామిలీ, ఫ్రెండ్స్‌కు టైమ్‌ కేటాయిస్తాను. ఎందుకంటే నా లైఫ్‌ వారి చుట్టూనే తిరుగుతుంది’’ అని పేర్కొన్నారు.
