మహేశ్‌బాబు, రామ్చరణ్, రానా, నాని.. ఇలా టాలీవుడ్‌లో కొందరు హీరోలు నిర్మాతలుగా తమ ప్రయాణాన్ని మొదలు పెట్టిన సంగతి తెలిసిందే. ఇప్పుడు ఇదే బాటలో అడుగులు వేయాలనుకుంటున్నారట ఎన్టీఆర్‌. ప్రస్తుతం ఓ నిర్మాణ సంస్థను ప్రారంభించాలనే ఆలోచనలో ఉన్నారట ఎన్టీఆర్‌. కొత్త ఏడాదిలో ఈ విషయంపై సరైన స్పష్టత వచ్చే అవకాశం ఉందన్నది తాజా సమాచారం. ప్రస్తుతం ‘ఆర్‌ఆర్‌ఆర్‌’ చిత్రీకరణతో బిజీగా ఉన్నారు ఎన్టీఆర్‌. రాజమౌళి దర్శకత్వంలో తెరకెక్కుతోన్న ఈ సినిమాలో రామ్చరణ్ మరో హీరో. డీవీవీ దానయ్య నిర్మిస్తున్న ఈ భారీ బడ్జెట్‌ చిత్రం వచ్చే ఏడాది జూలై 30న విడుదల కానుంది.
