ఆ తప్పు జరగనివ్వను

23 Dec, 2018 03:55 IST|Sakshi
కరీనా కపూర్‌

కథానాయికగా కరీనా కపూర్‌ ఖాన్‌ మంచి విజయాలు సాధించారు. పలు అవార్డులను సొంతం చేసుకున్నారు. ఇలా ప్రొఫెషనల్‌ లైఫ్‌లో ఎంతో సక్సెస్‌ను చూసిన ఆమెను ఓ బాధ వెంటాడుతోంది. చిన్న వయసులో సినిమాల్లోకి రావడంవల్ల చదువుకోలేకపోయానన్న బాధ కరీనాకి ఉంది. ‘‘నేటి ఆధునిక యుగంలో చదువుకోవడం అనేది చాలా ముఖ్యమైన అంశం. నా 17 ఏళ్ల వయసులో నేను కథానాయికగా కెరీర్‌ స్టార్ట్‌ చేశాను. ఆ తర్వాత చదువుకోవడం కుదర్లేదు. అప్పుడు చదువుకోలేకపోయినందుకు ఇప్పుడు పశ్చాత్తాపపడుతున్నాను.

నా కొడుకు తైముర్‌ విషయంలో ఆ తప్పు జరగనివ్వను. చదువు పూర్తయిన తర్వాతనే తైముర్‌ కోరుకున్న ఫీల్డ్‌లో వర్క్‌ చేసేలా ప్లాన్‌ చేస్తాను’’ అని ఓ రేడియో షోలో కరీనా కపూర్‌ తన ఆలోచనను పంచుకున్నారు. 2000లో ‘రెఫ్యూజీ’ అనే హిందీ చిత్రం ద్వారా ఎంట్రీ ఇచ్చిన కరీనా 2012లో నటుడు సైఫ్‌ అలీఖాన్‌ను వివాహం చేసుకున్నారు. ఆ తర్వాత సైఫ్‌–కరీనా దంపతులకు తైముర్‌ అనే బాబు పుట్టిన సంగతి తెలిసిందే. ప్రజెంట్‌ ‘గుడ్‌న్యూస్‌’ అనే సినిమాతో బిజీగా ఉన్నారు కరీనా.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా