బుడ్డోడికి బాడీగార్డ్‌

14 Aug, 2018 00:18 IST|Sakshi
తైముర్‌ అలీఖాన్‌

తైముర్‌ అలీఖాన్‌... బాలీవుడ్‌ కపుల్‌ కరీనా, సైఫ్‌ అలీఖాన్‌ల ముద్దుల కుమారుడు. తైముర్‌ బయటకి వస్తే చాలు.. వందల కెమెరాలు క్లిక్‌మనాల్సిందే. ఇంట్లో ఉన్న తైముర్‌ ఫొటోలకంటే బాలీవుడ్‌ మీడియా వాళ్ల దగ్గరున్న ఫొటేలే ఎక్కువ అంటే అర్థం చేసుకోవచ్చు ఈ చిచ్చరపిడుగు ఎంత సెలబ్రిటీ అయిపోయాడో. స్టార్‌ కిడ్‌ ట్యాగ్‌తో పాటు బూరెల్లాంటి బుగ్గలేసుకొని అమాయకంగా చూసే చూపులకే బయటకు వచ్చిన ప్రతిసారి టాక్‌ ఆఫ్‌ ది టౌన్‌ అవుతున్నాడు.

రీసెంట్‌గా ఈ బుడతడితో ఓ అభిమాని సెల్ఫీ దిగుదాం అని కొంచెం గట్టిగా ప్రయత్నించే సరికి తైముర్‌ బెదిరిపోయాడట. ‘‘తైముర్‌కి రావాల్సిన దానికంటే ఎక్కువ మీడియా అటెన్షన్‌ వస్తుంది. వాడికి ఇదంతా అర్థం కావడంలేదు. తను మాములు పిల్లలాగే ఉండాలని కోరుకుంటున్నాను’’ అని కరీనా పలు సందర్భాల్లో పేర్కొన్నారు. మీడియా అటెన్షన్‌ని, ఫ్యాన్స్‌ మితిమీరిన ప్రేమను బుడతడు ఎలానూ ఆపలేడు కనుక బాడీగార్డ్‌ని నియమిస్తే బాగుంటుందనుకుంటున్నారట కరీనా, సైఫ్‌.

మరిన్ని వార్తలు