కేరాఫ్‌ నారప్ప

6 Jul, 2020 01:03 IST|Sakshi
కార్తీక్‌ రత్నం

‘నారప్ప’ తనయుడిగా మారారు ‘కేరాఫ్‌ కంచరపాలెం’ ఫేమ్‌ కార్తీక్‌ రత్నం. వెంకటేశ్‌ హీరోగా శ్రీకాంత్‌ అడ్డాల దర్శకత్వంలో డి. సురేష్‌బాబు, కలైపులి ఎస్‌.థాను నిర్మిస్తున్న చిత్రం ‘నారప్ప’. దేవి శ్రీదేవి సతీష్‌ ఈ చిత్రానికి సహ–నిర్మాత. ఈ సినిమాలో నారప్ప భార్య సుందరమ్మ పాత్రలో ప్రియమణి నటిస్తున్నారు. ‘నారప్ప’ పెద్ద కొడుకు ముని కన్నా పాత్రలో ‘కేరాఫ్‌ కంచరపాలెం’ ఫేమ్‌ కార్తీక్‌ రత్నం నటిస్తున్నట్లు చిత్రబృందం ఆదివారం అధికారికంగా ప్రకటించింది. పైగా ఆదివారం కార్తీక్‌ పుట్టినరోజు కావడంతో ఈ చిత్రంలోని మున్నాకన్నా లుక్‌ను విడుదల చేశారు. ఈ సినిమాకు మణిశర్మ సంగీతం అందిస్తున్నారు. కాగా తమిళ హిట్‌ మూవీ ‘అసురన్‌’(2019) చిత్రానికి ‘నారప్ప’ తెలుగు రీమేక్‌ అనే సంగతి తెలిసిందే.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా