మెగాస్టార్ పాటకు.. అమెరికాలో స్టాండింగ్‌ ఒవేషన్‌!

4 Mar, 2018 16:16 IST|Sakshi
షో టైం ఎట్‌ ది అపోలో షోలో ఖైదీ నంబర్‌ 150 పాటను ప్రదర్శిస్తున్న కళాకారులు

మెగాస్టార్‌ చిరంజీవి రీ ఎంట్రీఇచ్చిన ఖైదీ నంబర్‌ 150 ఘన విజయం సాధించిన సంగతి తెలిసిందే. ఈసినిమాతో తనలోని గ్రేస్‌ ఏ మాత్రం తగ్గలేదని ప్రూవ్ చేసుకున్నారు మెగాస్టార్‌. మెగా మేనియాను ఓ రేంజ్‌కు తీసుకెళ్లిన ఈ సినిమా ఇప్పటికీ వార్తల్లో నిలుస్తూనే ఉంది. తాజాగా ఓ అంతర్జాతీయ రియాలిటీ షోలో ఖైదీ నంబర్‌ 150 సినిమాలోని సన్నజాలి లా నవ్వేస్తోందిరో పాటకు డ్యాన్స్‌చేశారు అక్కడి డ్యాన్సర్‌.

ఫాక్స్‌ టీవీలో నిర్వహించే షో టైం ఎట్‌ ది అపోలో షోలో ఈ పాటను ప్రదర్శించారు. ఎమ్మీ అవార్డ్‌ విన్నర్‌ స్టీవ్‌ హార్వే వ్యాఖ్యతగా వ్యవహరిస్తున్న ఈ షోలో ష్రాయ్‌ ఖన్నా టీం ఈ పాటను ప్రదర్శించారు. మెగాస్టార్ పాట అక్కడ కూడా సూపర్‌ హిట్ అయ్యింది. డ్యాన్స్‌ పూర్తయిన తరువాత ఆడిటోరియంలోని ఆడియన్స్‌ లేచి నిలబడి చప్పట్లు కొడుతూ ష్రాయ్‌ ఖన్నా టీంను అభినందించారు. ఈ వీడియోను మెగా అభిమానుల కోసం తన ఫేస్‌ బుక్‌ పేజ్‌లో షేర్‌ చేశాడు చిత్ర నిర్మాత చిరు తనయుడు రామ్ చరణ్‌.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు