పదమూడేళ్లకు మళ్లీ?

28 Sep, 2019 01:17 IST|Sakshi

పీరియాడిక్‌ లుక్‌ నుంచి లేటెస్ట్‌ లుక్‌లోకి మారిపోయారు చిరంజీవి. వెయిట్‌ తగ్గిపోయి యంగ్‌ లుక్‌లోకి వచ్చేశారు. కొరటాల శివతో చేయబోయే సినిమా కోసమే ఈ లుక్‌ అని తెలిసిందే. త్వరలోనే సెట్స్‌ మీదకు వెళ్లడానికి మొత్తం సిద్ధం చేస్తోంది టీమ్‌. కానీ ఈ సినిమాలో హీరోయిన్‌గా ఎవరు నటించబోతున్నారనే విషయంపై క్లారిటీ లేదు. లేటెస్ట్‌గా చిరంజీవితో త్రిష జోడీ కడుతున్నారనే వార్తలు వినిపిస్తున్నాయి. ఈ చిత్రాన్ని కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్స్‌ బ్యానర్లు సంయుక్తంగా నిర్మించనున్నాయి. ఇందులో హీరోయిన్‌గా నయనతార, శ్రుతీహాసన్, తమన్నా.. ఇలా పలువురి పేర్లు వినిపిస్తున్నాయి. ఇప్పుడు ఈ లిస్ట్‌లో  త్రిష పేరు చేరింది. ఇది వరకు చిరంజీవి, త్రిష ‘స్టాలిన్‌’ (2006) సినిమాలో జోడీగా నటించారు. ఒకవేళ ఈ జోడీ షురూ అయితే మళ్లీ పదమూడేళ్ల గ్యాప్‌ తర్వాత కలసి నటించినట్టు అవుతుంది. ఈ సినిమాకు బాలీవుడ్‌ సంగీత దర్శకులు అజయ్‌–అతుల్‌ సంగీతం అందించనున్నారని సమాచారం.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా