‘కొప్పున పూలెట్టుకొని.. బుగ్గున వేలెట్టుకొని... వీధెంటా నేనెళ్తుంటే.. కెవ్వు కేక’ అంటూ స్పెషల్ సాంగ్తో అలరించిన మలైకా అరోరా గుర్తుందా? ‘గబ్బర్ సింగ్’తోపాటు పలు సినిమాల్లో ఆడిపాడిన ఈ భామ త్వరలో ఓ డ్యాన్స్ రియాలిటీ షోలో స్పెషల్ జడ్జిగా కనిపించనుంది.
ఇప్పటికే పలు టీవీ షోలకు యాంకర్గా వ్యవహరించిన మలైకా.. తాజాగా ‘డ్యాన్స్ ఇండియా డ్యాన్స్’ షోలో న్యాయనిర్ణేతగా వ్యవహరించబోతున్నారు. ఇప్పటివరకు ఈ షోలో కరీనా కపూర్ స్పెషల్ జడ్జిగా కనిపించారు. ‘అంగ్రేజీ మీడియాం’ సినిమాతో ఆమె బిజీ కావడంతో కరీనా స్థానంలో మలైకాను తీసుకున్నారు నిర్వాహకులు. ఈ సందర్భంగా షోలోకి ఎంట్రీ ఇచ్చిన మలైక తన అద్భుతమైన స్టెప్పులతో అదరగొట్టారు. ఈ స్టెప్పులకు సంబంధించిన ఫొటోలు ఇటీవల ఆమె ఇన్స్టాగ్రామ్లో షేర్ చేశారు. ‘ఎవరూ చూడట్లేదన్న ధీమాతో డ్యాన్స్ చేయండి’ అంటూ ఆమె పెట్టిన ఫొటోల్లో మలైక డ్యాన్సింగ్స్ ఎక్స్ప్రెషన్స్ చూడొచ్చు.. ‘చల్ చయ్యా.. చయ్యా చయ్యా’ అంటూ అద్భుతమైన స్టెప్పులతో దేశాన్ని ఊపేసిన మలైక.. ఈ షోలో స్పెషల్ జడ్జిగా వీక్షకులను ఆకట్టుకునే అవకాశముందని నిర్వాహకులు భావిస్తున్నారు.