ఉయ్యాలవాడ నరసింహారెడ్డి పాత్రలో మెగాస్టార్‌ చిరంజీవి ఉగ్రరూపాన్ని చూసేందుకు మెగా అభిమానులతో పాటు తెలుగు ప్రేక్షకులు సైతం ఎంతో ఆత్రుతగా ఎదురు చూస్తున్నారు. చిరంజీవి బర్త్‌డే (ఆగస్టు 22) సందర్భంగా ఈ చిత్రం టీజర్‌ను అభిమానులకు కానుకగా ఇవ్వనున్నారన్న సంగతి తెలిసిందే.
‘సైరా’ టీజర్‌ రేపు ఉదయం 11 గంటల 30 నిమిషాలకు విడుదల చేయనున్నట్లు ప్రకటించారు. ఈ సినిమాకు బాలీవుడ్‌ సెన్సెషన్‌ మ్యూజిక్ డైరెక్టర్ అమిత్‌ త్రివేది సంగీతాన్ని సమకూర్చనున్నారు. ఈ మ్యూజిక్ డైరెక్టర్ ఈ టీజర్‌ గురించి ట్వీట్ చేస్తూ.. ‘నేను కూడా ఎంతో ఎగ్జయిటింగ్ గా ఎదురు చూస్తున్నాను. ఇలాంటి చారిత్రక సినిమాలో భాగం అయినందుకు ఎంతో సంతోషంగా ఉంది. బ్యాక్ గ్రౌండ్ స్కోర్ పూర్తి అయింది. మీ ఫీడ్ బ్యాక్ కోసం వేచి చూస్తున్నా’’ అని అన్నారు.
Excited to be a part of this epic saga. Completed the score for #SyeRaaTeaser and can't wait to see your feedback. 2 more days. #SyeRaa #SyeRaaJourneyBegins pic.twitter.com/zfBewlvvb2
— Amit Trivedi (@ItsAmitTrivedi) August 19, 2018
