నాగార్జున తన 60వ పుట్టిన రోజును జరుపుకోవడానికి కుటుంబంతో సహా స్పెయిన్‌ వెళ్లారు. బర్త్‌డే సెలబ్రేషన్స్‌ను గ్రాండ్‌గా ఫ్యామిలీతో కలసి ఎంజాయ్‌ చేస్తున్నట్టు సమంత ఎప్పటికప్పుడు తన సోషల్‌ మీడియాలో పోస్ట్‌ చేస్తున్నారు. కుటుంబమంతా కలసి దిగిన ఈ ఫొటోను సమంత షేర్‌ చేస్తూ ‘‘మామయ్యా.. అందరూ దేనికోసమైతే వెతుకుతుంటారో అది మీ దగ్గర ఉంది. ప్రతీదాంట్లో సంతోషాన్ని వెతికి మరీ ఆనందంగా ఉంటారు.. మీ చుట్టూ ఉండి నేను నేర్చుకున్నది అదే. మీరు వయసుని జయించారు మామా’’ అన్నారు.
