వివాదాస్పద దర్శకుడు రామ్‌ గోపాల్ వర్మ ప్రస్తుతం సీనియర్‌ స్టార్‌ నాగార్జున హీరోగా ఓ సినిమా తెరకెక్కిస్తున్న సంగతి తెలిసిందే. యాక్షన్‌ థ్రిల్లర్‌గా తెరకెక్కుతున్న ఈ సినిమా షూటింగ్ దాదాపుగా పూర్తి కావచ్చింది. ఈ సినిమాకు సంబంధించిన ఫస్ట్ లుక్‌ పోస్టర్‌తో పాటు టైటిల్‌ను రిలీజ్ డేట్‌ను ఆదివారం రిలీజ్ చేస్తామని వర్మ టీం ప్రకటించారు. అయితే ఆ రోజు శ్రీదేవి మరణవార్త తెలియటంతో ప్రకటనను వాయిదా వేశారు.
తాజాగా ఈ సినిమాకు సంబంధించిన అప్‌డేట్‌ సోషల్‌ మీడియాలో హల్‌చల్‌ చేస్తోంది. నాగ్ పోలీస్‌ అధికారిగా కనిపించనున్న ఈ సినిమాకు ఆఫీసర్‌ అనే టైటిల్‌ ను ఫైనల్ చేశారట. అయితే ఈ విషయంపై చిత్రయూనిట్ అధికారిక ప్రకటన చేయలేదు. ప్రస్తుతం ముంబైలో క్లైమాక్స్‌ పార్ట్‌ షూటింగ్ జరుపుకుంటున్నఈ సినిమాలో మోడల్‌ మైరా సరిన్ హీరోయిన్‌గా పరిచయం అవుతోంది.
