బిగ్‌బాస్‌ ట్రెండింగ్‌పై నాగార్జున ట్వీట్‌

22 Jul, 2019 11:10 IST|Sakshi

సాక్షి, హైదరాబాద్‌ : తెలుగు టెలివిజన్‌ ప్రేక్షకులు ఎంతో ఆసక్తిగా ఎదురుచూసిన  బిగ్‌బాస్‌ తెలుగు సీజన్‌ 3 ఆదివారం సాయంత్రం ప్రారంభమైంది. కింగ్‌ నాగార్జున అద్భుతమైన హోస్టింగ్‌తో ప్రేక్షకులను అలరించాడు. 15 సెలబ్రిటీలు కూడా బిగ్‌బాస్‌ హౌస్‌లోకి ఎంటర్‌ అయ్యారు. అయితే నిన్నటి బిగ్‌బాస్‌ ఎపిసోడ్‌కు సంబంధించి నాగ్‌ ఓ ఆసక్తికరమైన ట్వీట్‌ చేశారు. ‘బిగ్‌బాస్‌తెలుగు3’  హ్యాష్‌ ట్యాగ్‌ ఆదివారం రాత్రి ట్విటర్‌ వరల్డ్‌వైడ్‌ ట్రెండ్స్‌లో నెంబర్‌ 1 గా నిలిచిందని పేర్కొన్నారు. బిగ్‌బాస్‌ను ఆదరిస్తున్న వారందరికి ఆయన ధన్యవాదాలు తెలిపారు. ట్విటర్‌ ట్రెండ్స్‌కు సంబంధించి ఫొటోను కూడా ఆయన పోస్ట్‌ చేశాడు.

కాగా, బిగ్‌బాస్‌ సీజన్‌ 3 ప్రారంభానికి మూడు నెలల ముందు నుంచే ఈ షోపై సోషల్‌ మీడియాలో విపరీతమైన చర్చ ప్రారంభమైంది. ఈసారి హౌస్‌లోకి ఎవరు వెళ్తారు, హోస్ట్‌గా ఎవరు వ్యవహరిస్తారో తెలుసుకోవడానికి ప్రేక్షకులు అన్వేషణ మొదలుపెట్టారు. అయితే గతంలో జరిగిన లీక్‌లను దృష్టిలో ఉంచుకుని.. ఈ సారి స్టార్‌ మా గట్టి చర్యలు చేపట్టింది. అయినప్పటికీ.. ఈ షోలోకి వెళ్లిన చాలా మంది హౌస్‌మెట్స్‌ పేర్లు సోషల్‌ మీడియాలో ప్రచారంలో ఉన్నవే కావడమే గమనార్హం. 

 చదవండి :  బిగ్‌బాస్‌ హౌస్‌లోకి ఎంట్రీ ఇచ్చిన సెలబ్రిటీలు..

>
మరిన్ని వార్తలు