నందమూరి యంగ్ హీరో ఎన్టీఆర్ హీరోగా తెరకెక్కుతున్న జనతా గ్యారేజ్ సినిమాలో మళయాల సూపర్ స్టార్ మోహన్ లాల్ కీలక పాత్రలో నటిస్తున్న విషయం అందరికీ తెలిసింది. అయితే ఇప్పుడు ఈ మళయాల సూపర్ స్టార్ హీరోగా నటిస్తున్న ఓ సినిమాలో మరో నందమూరి హీరో నటిస్తున్నాడు.
తొలిసారిగా మోహన్ లాల్ హీరోగా తెరకెక్కుతున్న తెలుగు సినిమా మనమంతా. క్రియేటివ్ డైరెక్టర్ చంద్రశేఖర్ ఏలేటి దర్శకత్వంలో తెరకెక్కుతున్న ఈ సినిమాలో నందమూరి తారకరత్న ఓ కీలక పాత్రలో నటిస్తున్నాడు. ఇటీవల నారా రోహిత్ హీరోగా తెరకెక్కిన రాజా చెయ్యివేస్తే సినిమాలో విలన్ గా ఆకట్టుకున్న తారక రత్న, మనమంతా లో మాత్రం పాజిటివ్ రోల్ లో కనిపించనున్నాడు.
