నిఖిల్‌ తాజాగా నటిస్తున్న సినిమా టైటిల్‌పై వివాదం కొనసాగుతున్న సంగతి తెలిసిందే. నిర్మాత నట్టి కుమార్‌, హీరో నిఖిల్‌ మధ్య గొడవ తారాస్థాయికి చేరుకోవడంతో.. ఈ సినిమా టైటిల్‌ మారనుందని తెలుస్తోంది.
జగపతి బాబు హీరోగా ముద్ర అనే సినిమా కూడా రిలీజ్‌ కావడం.. ఈ సినిమాపై సోషల్‌ మీడియాలో నిఖిల్‌ను తన అభిమానులు ప్రశ్నించడం.. ఆ సమయంలో నిఖిల్‌ చేసిన వ్యాఖ్యలు వివాదాస్పదమయ్యాయి. ఆ వ్యాఖ్యలపై నిర్మాత నట్టికుమార్‌ సీరియస్‌ అవ్వడంతో తీవ్ర చర్చకు దారి తీసింది. దీంతో వెనక్కి తగ్గిన చిత్రబృందం నిఖిల్‌ నటిస్తున్న ఈ చిత్రం టైటిల్‌ను మార్చబోతున్నట్లు సమాచారం. కొత్త టైటిల్‌, ఫస్ట్‌లుక్‌ను రేపు విడుదల చేయనున్నట్లు తెలుస్తోంది. తమిళంలో హిట్‌ అయిన కణితన్‌కు రీమేకే ఈ చిత్రం. ఈ మూవీలో లావణ్య త్రిపాఠి హీరోయిన్‌గా నటిస్తుంది. మార్చిలో ఈ సినిమాను విడుదల చేసేందుకు చిత్రయూనిట్‌ ప్రయత్నిస్తోంది.
