కాస్ట్యూమ్‌ పడితే చాలు

1 Aug, 2019 01:13 IST|Sakshi

‘‘నేను మెథడ్‌ యాక్టర్‌ని కాదు. స్పాంటేనియస్‌ యాక్టర్‌ని. నిజం చెప్పాలంటే పాత్ర కోసం పెద్దగా ప్రిపేర్‌ అవ్వను’’ అన్నారు నిత్యా మీనన్‌. ఏదైనా పాత్రను చేయడానికి ఎలా ప్రిపేర్‌ అవుతారు అనే ప్రశ్నకు నిత్యామీనన్‌ స్పందిస్తూ – ‘‘కేస్‌ స్టడీ చేసేవి, బయోపిక్‌ అయితే తప్ప మిగతా పాత్రలకు అంత కష్టపడాల్సిన పని లేదు. ఒక్కసారి కాస్ట్యూమ్‌ నా ఒంటిమీద పడితే పాత్రలోకి వెళ్లిపోతాను. ‘మనం నిత్యామీనన్‌’ అనే విషయాన్ని పక్కన పెట్టేస్తాను.

ఆ పాత్ర మూడ్‌లోకి మారిపోతాను. మన ఇండస్ట్రీలో చాలాసార్లు స్క్రిప్ట్‌ను చివరి నిమిషంలో ఇస్తుంటారు. కొన్నిసార్లు షూటింగ్‌ జరిగే రోజు ఉదయమే స్క్రిప్ట్‌ ఇచ్చేవాళ్లు. కథ తొలిసారి వింటున్నప్పుడే పాత్ర నాకు గుర్తుండిపోతుంది. ఆ పాత్రకు నేను ఎమోషనల్‌గా కనెక్ట్‌ అయిపోతాను. స్క్రిప్ట్‌ చెప్పినప్పుడు ఆ డైలాగ్‌ ఉందని చెప్పారు. షూట్‌ చేయడం లేదేంటి? అని దర్శకుడిని అడుగుతుంటాను కూడా. వాళ్లు చాలాసార్లు షాక్‌ అయిన సందర్భాలు కూడా ఉన్నాయి’’ అన్నారు.

మరిన్ని వార్తలు