తెలుగులో ఘన విజయం సాధించిన ‘ఒక రొమాంటిక్ క్రైమ్ కథ’ చిత్రాన్ని కన్నడంలో రీమేక్ చేస్తున్నారు మలినేని లక్ష్మయ్య చౌదరి. ఈ సినిమా కన్నడంలో కూడా విజయం సాధిస్తుందని ఆయన ఆశాభావం వ్యక్తం చేశారు. నిర్మాతగా తెలుగులో కూడా ప్రయోగాత్మక, ప్రయోజనాత్మక చిత్రాలు చేస్తానని ఆయన వెల్లడించారు. ఓ పక్క నిర్మాణంతో పాటు నటన కూడా చేస్తున్నానని చెబుతూ -‘‘ఇటీవలన విడుదలైన ‘బ్రోకర్-2’లో ముఖ్యమంత్రి తండ్రిగా ముఖ్యపాత్ర చేశాను. అలాగే ‘అద్భుత సినీరంగం’లో కూడా మరో మంచి పాత్ర చేశాను. ప్రస్తుతం అయిదు సినిమాల్లో నటిస్తున్నాను. నిర్మాతగా, నటునిగా పరిశ్రమలో మంచి పేరు సంపాదిస్తాను’’ అని మలినేని విశ్వాసం వ్యక్తం చేశారు.
