ఇప్పటికే పలువురు యంగ్ హీరోలతో మల్టీ స్టారర్ సినిమాల్లో నటించిన నారా రోహిత్, ఇప్పుడు ఓ సీనియర్ హీరోతో స్క్రీన్ షేర్ చేసుకోబోతున్నాడు. విభిన్న పాత్రలతో అలరిస్తున్న స్టార్ జగపతిబాబుతో కలిసి ఓ మల్టీ స్టారర్ సినిమా చేస్తున్నాడు. ఇటీవల కమర్షియల్ సినిమాల మీద దృష్టి పెట్టిన రోహిత్ మరోసారి మాస్ యాక్షన్ జానర్ లో తెరకెక్కబోయే ఈ సినిమాలో నటించేందుకు అంగీకరించాడు.
పరుచూరి మురళి దర్శకత్వంలో తెరకెక్కనున్న ఈ సినిమా ఈ రోజు (బుధవారం) ప్రారంభమైంది. ఫ్రెండ్స్ మూవీ క్రియేషన్ బ్యానర్ పై నిర్మిస్తున్న ఈ సినిమాకు ఆటగాళ్లు అనే టైటిల్ ను ఫిక్స్ చేశారు. నారా రోహిత్, జగపతి బాబు సీరియస్ లుక్ లో కనిపిస్తున్న ఫస్ట్ లుక్ పోస్టర్లకు మంచి రెస్పాన్స్ వస్తోంది.
