ఇంతకీ పవన్‌ వస్తారా..?

10 Apr, 2018 17:31 IST|Sakshi
పవన్‌ కల్యాణ్‌, రామ్‌ చరణ్‌(ఫైల్‌ ఫొటో)

మెగా పవర్‌ స్టార్‌ రామ్‌ చరణ్‌ నటించిన ‘రంగస్థలం’ భారీ కలెక్షన్లు సాధిస్తున్న విషయం తెలిసిందే. ఈ చిత్రంలో చరణ్‌ తన నటనతో అందర్ని ఆకట్టుకున్నారు. రామ్‌ చరణ్‌, డైరెక్టర్‌, నిర్మాణ సంస్థ మైత్రి మూవీ మేకర్స్‌కు ఈ చిత్రం భారీ విజయాన్ని సాధించి పెట్టింది. ప్రస్తుతం మెగా ఫ్యామిలీ మొత్తం విజయానందంలో ఉంది. ‘రంగస్థలం’ టీమ్‌ తమ సక్సెస్‌ను సెలబ్రేట్‌ చేసుకోనున్నారు.

ఏప్రిల్‌ 12 ఈ సెలబ్రేషన్‌ ఈవెంట్‌ నగరంలోని నోవాటెల్‌ హోటల్లో ఘనంగా జరగనున్నట్లు సమాచారం. మొదట ఈ వేడుక అమరావతిలో చేస్తారని వార్తలు వినిపించాయి. కానీ, హైదరాబాద్‌లోనే చేస్తున్నారనే క్లారిటీ వచ్చేసింది. ఈ వేడుకకు పవర్‌ స్టార్‌ పవన్‌ కల్యాణ్‌ ముఖ్య అతిథిగా హాజరు అవుతారని సమాచారం. తాజాగా పవన్‌ కల్యాణ్‌ భార్యతో కలిసి ‘రంగస్థలం’ చిత్రాన్ని చూసిన విషయం తెలిసిందే. మెగాస్టార్‌ చిరంజీవి ‘సైరా’ షూటింగ్‌లో బిజీగా ఉన్నందున ఈ వేడుకకు హాజరు కావడం అనుమానమే అని చెబుతున్నారు.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా