నిర్మాత కొడుక్కి పోలీసు నోటీసులు

24 Mar, 2017 18:54 IST|Sakshi
నిర్మాత కొడుక్కి పోలీసు నోటీసులు
బంజారాహిల్స్‌: ఫిలింనగర్‌ కల్చరల్‌ సెంటర్‌లో సభ్యుడి పర్సులో నుంచి క్రెడిట్‌ కార్డు, డెబిట్‌కార్డు తస్కరించారు. ఆన్‌లైన్‌లో తన అకౌంట్‌లోకి డబ్బును మార్చుకున్న ఘటనలో ప్రముఖ సినీ నిర్మాత సి. కల్యాణ్‌ తనయుడు వరుణ్‌కుమార్‌కు బంజారాహిల్స్‌ పోలీసులు 41(ఏ) కింద  నోటీసులు జారీ చేశారు. ఈ నెల 22వ తేదీన బంజారాహిల్స్‌ రోడ్‌ నంబర్‌ -12లోని ఎమ్మెల్యే కాలనీలో నివసించే వ్యాపారి బిక్కిన శ్రీనివాస్‌ ఎఫ్‌ఎన్‌సీసీలో స్విమ్మింగ్‌ చేయడానికి వచ్చి పర్సును పక్కన పెట్టాడు. ఆయన తిరిగి వచ్చి సరికి పర్సు కనిపించలేదు.

అందులో ఐసీఐసీఐ, యాక్సిస్‌ బ్యాంకు డెబిట్, క్రెడిట్‌ కార్డులు ఉన్నాయి. గంట వ్యవధిలోనే ఆయన అకౌంట్‌లో నుంచి రూ.2.12 లక్షలు ఆన్‌లైన్‌ ద్వారా బదిలీ అయ్యాయి. బాధితుడి ఫిర్యాదు మేరకు సీసీ ఫుటేజీలు, బ్యాంకు అంకౌట్‌లు తనిఖీ చేసి ఇందుకు కారకుడిగా సి. కల్యాణ్‌ కొడుకు వరుణ్‌కుమార్‌ను గుర్తించారు. ఆయనపై చీటింగ్‌ కేసు కూడా నమోదు చేశారు. స్టేషన్‌కు వచ్చి వివరణ ఇవ్వాల్సిందిగా డీఐ వెంకటేశ్వర్‌రెడ్డి ఈ నోటీసు జారీ చేశారు.
 
Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
సినిమా