చిన్న విరామం

7 Sep, 2019 02:47 IST|Sakshi
అఖిల్‌, పూజా హెగ్డే

వరుస షెడ్యూల్స్‌తో బిజీ బిజీగా ఉన్న అఖిల్‌ చిన్న విరామం తీసుకున్నారు. ‘బొమ్మరిల్లు’ భాస్కర్‌ దర్శకత్వంలో అఖిల్‌ హీరోగా ఓ సినిమా తెరకెక్కుతోన్న సంగతి తెలిసిందే. ఇందులో పూజా హెగ్డే కథానాయికగా ఫిక్స్‌ అయ్యారు.   ఇప్పటివరకూ జరిగిన షెడ్యూల్స్‌లో ఆమె పాల్గొనలేదు. వచ్చే వారంలో ఈ సినిమా తర్వాతి షెడ్యూల్‌ ప్రారంభం కానుంది.

ఈ షెడ్యూల్‌లో పూజా హెగ్డే కూడా పాల్గొంటారు. హీరో హీరోయిన్లపై కొన్ని లవ్‌ సీన్స్‌ ప్లాన్‌ చేశారట. ‘బన్నీ’ వాసు, వాసు వర్మ నిర్మిస్తున్న ఈ సినిమాకు గోపీ సుందర్‌ స్వరకర్త. ఈ చిత్రం తర్వాత ‘అ!, కల్కి’ చిత్రాల ఫేమ్‌ ప్రశాంత్‌ వర్మ దర్శకత్వంలో అఖిల్‌ హీరోగా నటించే సినిమా మొదలవుతుంది.

మరిన్ని వార్తలు