రాజేశ్ కుమార్, ప్రజ్జు హీరో హీరోయిన్లుగా ఈశ్వర్‌ దర్శకత్వంలో తెరక్కెక్కుతున్న చిత్రం ‘ప్రేమ అంత ఈజీ కాదు’. టి. అంజయ్య సమర్పణలో టి. నరేశ్‌ కుమార్, టి. శ్రీధర్‌ నిర్మిస్తున్నారు. స్నేహితుల దినోత్సవం సందర్భంగా ఈ సినిమాలోని ఫ్రెండ్‌షిప్‌ సాంగ్‌ను రిలీజ్‌ చేశారు. ఈ సందర్భంగా నిర్మాతలు మాట్లాడుతూ – ‘‘సినిమా షూటింగ్‌ ఆల్మోస్ట్‌ 80 శాతం కంప్లీట్‌ అయింది. రాజేశ్, ప్రజ్ఞు బాగా నటిస్తున్నారు. మా సినిమాలోని ఫ్రెండ్‌షిప్‌ సాంగ్‌ని ఫ్రెండ్స్‌ అందరికీ అంకితం ఇస్తున్నాం’’ అన్నారు. ఈ సినిమాలో ధనరాజ్, ‘జబర్దస్‌’ అవినాష్, రాంప్రసాద్‌ ముఖ్యపాత్రల్లో కనిపించనున్నారు.
