ప్రిన్స్, అంకిత శర్మ జంటగా ఓ చిత్రం రూపొందుతోంది. శ్రీచంద్ మల్లా దర్శకుడు. ఎస్.రత్నమయ్య, ఎన్.గణపతిరెడ్డి నిర్మాతలు. ఈ చిత్రం గురువారం హైదరాబాద్‌లో మొదలైంది. ముహూర్తపు దృశ్యానికి డా.డి.రామానాయుడు కెమెరా స్విచాన్ చేయగా, బెల్లంకొండ సురేష్ క్లాప్ ఇచ్చారు. నిర్మాతల్లో ఒకరైన ఎస్.రత్నమయ్య గౌరవ దర్శకత్వం వహించారు. సినిమా విజయం సాధించాలని అతిథులందరూ ఆకాంక్షించారు. ఫ్రిబవరి తొలివారం నుంచి రెగ్యులర్ షూటింగ్ ప్రారంభిస్తామని, మే చివర్లో సినిమా విడుదల చేస్తామని దర్శకుడు చెప్పారు. ఇంకా చిత్ర యూనిట్ సభ్యులు మాట్లాడారు. ఈ చిత్రానికి సంగీతం: విజయ్ కూరాకుల.
