ప్రేమకథ నేపథ్యంలో సాగే సైకలాజికల్ థ్రిల్లర్ ‘మీరా’. ‘ఎ బ్లడీ లవ్ స్టోరీ’ అనేది ఉపశీర్షిక. ఆదిత్య ఆనంద్, నికిత్ పవార్, ఇషికా సింగ్ ముఖ్య తారలుగా గాజుల రమేశ్, గాజుల కుమార్ నిర్మిస్తున్న ఈ చిత్రానికి సంతోష్ యూబ్యులస్ దర్శకుడు. ఈ సినిమా పాటల సీడీని సురేశ్ కొండేటి ఆవిష్కరించారు. ‘‘కొత్తదనంతో కూడిన థ్రిల్లర్‌ను ప్రేక్షకులకు అందిస్తున్నాం’’ అని దర్శకుడు అన్నారు. సాయి వెంకట్, కె. సురేశ్ బాబు, ఆదిత్య ఆనంద్, ఇషికా తదితరులు పాల్గొన్నారు.
