దర్శక ధీరుడు రాజమౌళి తెరకెక్కిస్తున్న తాజా చిత్రం ఆర్ఆర్ఆర్. మెగా పవర్‌స్టార్‌ రామ్ చరణ్‌, యంగ్ టైగర్‌ ఎన్టీఆర్‌లు హీరోలుగా తెరకెక్కుతున్న ఈ భారీ మల్టీస్టారర్‌ ప్రస్తుతం చిత్రీకరణ దశలో ఉంది. మరోసారి బాహుబలి రికార్డ్‌లను తిరగరాసేందుకు జక్కన్న టీం పీరియాడిక్‌ యాక్షన్‌ డ్రామాను ఎంచుకుంది. ఇటీవల మీడియా సమావేశంలో చరణ్‌..అల్లూరి సీతారామరాజుగా, తారక్‌.. కొమరం భీంగా నటిస్తున్నారని ప్రకటించాడు రాజమౌళి.
అయితే ఈ సినిమా సమావేశంలో చరణ్‌, తారక్‌లు లుక్‌ పూర్తిగా రివీల్‌ అవ్వకుంగా క్యాప్‌లు పెట్టుకొని వచ్చారు. దీంతో సినిమాలో వీరి లుక్‌ ఎలాంటి ఉంటుందని ఆసక్తిగా ఎదురుచూస్తున్నారు ష్యాన్స్‌. అయితే అభిమానుల కోసం మెగా హీరో వరుణ్ తేజ్‌ ఓ హింట్ ఇచ్చాడు. చరణ్‌తో కలిసి దిగిన ఓ ఫోటోనూ బ్రదర్‌ లవ్ అంటూ ట్వీట్ చేశాడు వరుణ్. ఈ ఫొటోలో చరణ్‌ డిఫరెంట్ హెయిర్ స్టైల్‌తో కనిపిస్తున్నాడు. దీంతో ఇదే ఆర్‌ఆర్‌ఆర్‌లో అల్లూరి లుక్‌ అని భావిస్తున్నారు ఫ్యాన్స్‌.
దాదాపు 400 కోట్ల బడ్జెట్‌ తో తెరకెక్కిస్తున్న ఈ భారీ మల్టీస్టారర్‌లో బాలీవుడ్ హీరో అజయ్‌ దేవగన్‌ కీలక పాత్రలో కనిపించనున్నాడు. రామ్ చరణ్‌ సరసన బాలీవుడ్ బ్యూటీ అలియా భట్ హీరోయిన్‌ గా నటిస్తుండగా, తారక్‌ కు జోడిగా విదేశీ భామ డైసీ ఎడ్గర్‌ జోన్స్‌ నటిస్తోంది. ఈ సినిమాను 2020 జూలై 30 రిలీజ్ చేసేందుకు ప్లాన్ చేస్తున్నారు చిత్రయూనిట్.
Randomly bumped into Mr.C in Cali!#brotherlove ❤️ pic.twitter.com/smnSQKAfIs
— Varun Tej Konidela (@IAmVarunTej) 23 March 2019
