వివాదస్పద వ్యాఖ్యలు చేయడంలోనూ, వివాదాల్లో కూరుకుపోవడం మంటే సినీ దర్శకులు రాంగోపాల్ వర్మకు చెప్పలేనంత సరదాగా ఉంటుందేమో. తన ట్విటర్ అకౌంట్ ఆసరాగా చేసుకుని చేసే సంక్షిప్త సందేశాలు కొన్నిసార్లు ఆశ్చర్యంగానూ, ఆనందంగానూ, మరి కొన్నిసార్లూ ఫులీష్ గా, కాంట్రవర్సీగా కనిపిస్తాయి.
సినిమాల ప్రదర్శనకు ముందు దూమపానం, పోగాకు వ్యతిరేక ప్రకటనలను చూపించడంపై తాజాగా రాంగోపాల్ వర్మ ధ్వజమెత్తారు. వినోదం కోసం థియేటర్ కు వచ్చిన చికాకు కలిగించే విధంగా క్యాన్సర్ వ్యాధికి గురైన వారి ఊపిరితిత్తులు, నోటిని చూపిస్తున్నారని సోషల్ మీడియా వెబ్ సైట్ ట్విటర్ లో పేర్కోన్నారు. అంతేకాకుండా తన చిన్నతనం నుంచి లక్షలాది దూమపాన వ్యతిరేకం కార్యక్రమాలు నిర్వహించినా.. ఏ ఒక్కడు కూడా సిగిరెట్ మానినట్టు కనిపించలేదని వ్యాఖ్యలు చేశారు.
వినోదం కోసం పెద్ద మొత్తంలో డబ్బులు చెల్లించి.. హృతిక్, కత్రినాలను చూసేందుకు వచ్చే ప్రేక్షకులకు వ్యాధికి గురైన ఊపిరితిత్తులు, నోటిని చూడాల్సిన ఖర్మ ఎందుకు పట్టాలి అని ప్రశ్నించారు. పొగతాగే సీన్లు ప్రదర్శించినపుడు, టీవీ, చిత్రాల్లో హెచ్చరికతో కూడిన ప్రకటనను స్క్రీన్ పై, విశ్రాంతి సమయంలో చూపించాలని భారత చట్టాలు చెబుతున్నాయి.Ppl wan2 forget problems fr 2 hours when they come2 see a movie nd they r pounced upon wth grotesque close ups of diseased lungs nd mouths
— Ram Gopal Varma (@RGVzoomin) November 6, 2013
ఇలాంటి నిబంధనను అంతర్జాతీయ చిత్ర దర్శకుడు ఉడీ అలెన్ వ్యతిరేకించారని.. ఆయన రూపొందించిన చిత్రం 'బ్లూ జాస్మిన్' ప్రదర్శన సమయంలో ప్రేక్షకులకు ఇబ్బంది కలిగించకుండా మద్యపాన వ్యతిరేక ప్రకటనలను చూపించలేదని వర్మ వెల్లడించారు.
చిత్రాల్లో ప్లేకార్డు ఆడుతున్నపుడు 'గ్యాంబ్లింగ్ చేయడం తప్పు' అని, మద్యం తాగినప్పుడు 'తాగుడు ఆరోగ్యానికి హానికరం', స్క్రీన్ పై మర్డర్ చేస్తున్నపుడు 'హత్య చేయడం నేరం.. అందుకు ఉరిశిక్ష పడుతుంది' అని.. చిత్రాల్లో యువతి యువకులు ప్రేమించుకుంటే 'సుఖ రోగాలు వస్తాయి' అని ముందు ముందు ఏ హెచ్చరికలు వేయాల్సి ఉంటుందో అంటూ ఎద్దేవా చేశారు.Whn a couple is mkng love half the screen shud hav super 'practice safe sex' along wth close ups of gonorrhea nd syphillis infested genitals
— Ram Gopal Varma (@RGVzoomin) November 6, 2013
