ఆస్కార్‌ హీరో... బాండ్‌కి విలన్‌!

1 Mar, 2019 01:00 IST|Sakshi
రమీ మాలిక్‌

జేమ్స్‌ బాండ్‌ చిత్రాలకు ప్రేక్షకుల్లో మంచి ఆదరణ ఉంటుంది. ఇప్పటివరకూ వచ్చిన బాండ్‌ చిత్రాల వసూళ్లే అందుకు నిదర్శనం. తాజాగా ఈ జేమ్స్‌బాండ్‌ ఫ్రాంచైజీలో 25వ చిత్రం రూపొందనున్న సంగతి తెలిసిందే. ఈ చిత్రానికి ‘షట్టర్‌ హ్యాండ్‌’ అనే టైటిల్‌ అనుకుంటున్నారట. డేనియల్‌ క్రెగ్‌ హీరోగా నటిస్తారు. ఈ ఏడాది  ఆస్కార్‌ ఉత్తమ నటుడిగా నిలిచిన రమీ మాలిక్‌ ఈ చిత్రంలో విలన్‌గా నటించనున్నారని వార్తలు వస్తున్నాయి. ఇదిలా ఉంటే ఈ సినిమాకు డానీ బోయిలే దర్శకత్వం వహించాల్సింది. క్రియేటివ్‌ డిఫరెన్సెస్‌ వల్ల ఆయన తప్పుకున్నారు. ఇప్పుడు కారీ జోజి ఈ సినిమాకు దర్శకత్వం వహించనున్నారు. బాండ్‌ సినిమాను డైరెక్టర్‌ చేయనున్న ఫస్ట్‌ అమెరికన్‌ ఇతనేనట. ఈ సినిమాను ఏప్రిల్‌ 2020లో రిలీజ్‌ చేయాలనుకుంటున్నట్లు చిత్రబృందం ప్రకటించిన సంగతి తెలిసిందే.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా