రవితేజ పుట్టినరోజు నేడు. ఈ స్పెషల్‌గా ఆయన తాజా చిత్రానికి సంబంధించిన ప్రకటన వెల్లడైంది. ఇటీవల ‘రాక్షసుడు’ సినిమాతో హిట్‌ సాధించిన రమేష్‌ వర్మ దర్శకత్వంలో రవితేజ హీరోగా ఓ సినిమా తెరకెక్కనుంది. ఏ స్టూడియోస్‌ పతాకంపై హవీష్‌ ప్రొడక్షన్‌లో కోనేరు సత్యనారాయణ ఈ సినిమాను నిర్మిస్తారు. వచ్చే నెలలో ఈ సినిమా ప్రారంభోత్సవం జరుగుతుంది. మార్చిలో రెగ్యులర్‌ షూటింగ్‌ను ఆరంభించాలనుకుంటున్నారు. కమర్షియల్‌ ఎంటర్‌టైనర్‌గా ఈ సినిమా తెరకెక్కనుంది. ప్రస్తుతం గోపీచంద్‌ మలినేని దర్శ కత్వంలో తెరకెక్కుతోన్న ‘క్రాక్‌’ సినిమాతో రవితేజ బిజీగా ఉన్న సంగతి తెలిసిందే.
