సాహో సినిమా విడుదల తేదీ దగ్గర పడుతుండటంతో ఆ సినిమాకు సంబంధించిన ఒక్కోవార్త సోషల్‌ మీడియాలో చక్కర్లు కొడుతున్నాయి. ఈ చిత్రంలోని మూడు పాటలను ఒక్కొక్కట్టిగా రిలీజ్ చేస్తూ ప్రేక్షకులను ఊరిస్తూ వస్తున్న చిత్రబృందం తాజాగా ‘బేబీ వోంట్‌ యూ టెల్‌ మీ’ పాటను విడుదల చేసింది. హీరో ప్రభాస్‌ ‘సాహో నుంచి రొమాంటిక్‌, మెలోడియస్‌ పాట విడుదల’ అంటూ తన ఇన్‌స్టాగ్రామ్‌లో ఈ పాటకు సంబంధించిన ఫస్ట్‌ లుక్‌ను పోస్ట్‌ చేశాడు. ఈ పాటకు విడుదలైన ఒక్క గంటలోనే నాలుగు లక్షలకు పైగా వ్యూస్‌ వచ్చాయి.
ఇప్పటికే ఓ రొమాంటిక్‌ సాంగ్‌ను రిలీజ్ చేసిన చిత్రయూనిట్‌ మరో పాటను విడుదల చేసింది. ‘బేబీ వొంట్‌ యూ టెల్‌ మీ’ అంటూ సాగనున్న ఈ పాటకు మనోజ్‌ యాదవ్‌ లిరిక్స్‌ని అందించాడు. శంకర్‌ , ఎహాన్స్‌, లాయ్‌ త్రయంలు హీందీ వెర్షన్లో ఈ పాటను కంపోస్‌ చేయగా శంకర్‌ మహదేవన్‌, రవి మిష్రా, అలిస్సా మన్డొన్సా ఆలపించారు. అందమైన సాహిత్యంతో కూడిన పాట సన్నివేశాలను అస్ట్రియాలోని పలు అద్భతమైన సుందర ప్రదేశాల్లో చిత్రీకరించినట్లు చిత్ర యూనిట్‌ తెలిపింది. యాక్షన్‌ థ్రిల్లర్‌గా తెరకెక్కిస్తున్న ఈ సినిమాలో హీరో ప్రభాస్‌, శ్రద్ధలు పోలీసుల పాత్రలో కనిపించనున్నారు. ఈ చిత్రాన్ని హిందీ, తెలుగు, తమిళం, మలయాళ భాషల్లో ఆగష్టు 30న విడుదల చేయనున్నారు.
