తనిష్క్‌ రెడ్డి, మేగ్లాముక్త జంటగా శివగణేశ్‌ దర్శకత్వంలో తెరకెక్కిన చిత్రం ‘సకల కళా వల్లభుడు’. అనిల్‌ కుమార్, కిషోర్, త్రినాథ్, శ్రీకాంత్‌ నిర్మించిన ఈ చిత్రం సెన్సార్‌ జరుపుకుంటోంది. ‘‘పల్లెటూరు నేపథ్యంలో సాగే యాక్షన్‌ కామెడీ చిత్రమిది. పూర్తి కమర్షియల్‌ హంగులతో ఉంటుంది. హీరో, విలన్‌ మధ్య యాక్షన్‌ సన్నివేశాలు సంక్రాంతి కోళ్ల పందెంలా కనువిందు చేస్తాయి. 30 ఇయర్స్‌ పృథ్వీ చేసిన ఓ మేనరిజమ్‌ ప్రేక్షకుల్లో ట్రెండ్‌ని క్రియేట్‌ చేస్తుంది’’ అన్నారు శివగణేశ్‌. ‘‘కొత్త కథ, కథనాలతో రూపొందిన చిత్రమిది. గీతామాధురి పాడిన ‘తిక్కరేగిన వంకరగాళ్లు’ పాటను ఇటీవల విడుదల చేయగా మంచి స్పందన వచ్చింది. అజయ్‌ పట్నాయక్‌ సంగీతం, సాయిచరణ్‌ కెమెరా, ధర్మేంద్ర ఎడిటింగ్‌ ఈ సినిమాకు ప్రధాన ఆకర్షణలు. త్వరలో విడుదల తేదీ ప్రకటిస్తాం’’ అన్నారు అనిల్‌ కుమార్.
