మరో టర్న్‌?

16 Aug, 2019 00:09 IST|Sakshi

కథానాయికగా వెండితెరపై సమంత సూపర్‌ డూపర్‌ సక్సెస్‌. ఇటీవల బాక్సాఫీస్‌ వద్ద సమంత సాధించిన హిట్స్‌ ఆమె కెరీర్‌ను అమాంతం నెక్ట్స్‌ లెవెల్‌కి తీసుకు వెళ్లాయనడంలో సందేహం లేదు. వెండితెరపై అగ్రకథానాయికగా నిరూపించుకున్న సమంత ఇప్పుడు ఇంకో టర్న్‌ తీసుకున్నారని సమాచారం. డిజిటల్‌ ఫ్లాట్‌ఫామ్‌లోనూ సత్తా చాటాలనుకుంటున్నారట.

అందుకే ఓ వెబ్‌ సిరీస్‌కు సమంత సైన్‌ చేశారని టాక్‌. ఈ వెబ్‌ సిరీస్‌ తమిళం, హిందీ, తెలుగు భాషల్లో ప్రేక్షకుల ముందుకు వస్తుందట. ఆల్రెడీ చెన్నైలో షూటింగ్‌ కూడా ఆరంభం అయిందని సమాచారం. ఇక సినిమాల విషయానికి వస్తే ప్రస్తుతం ‘96’ తెలుగు రీమేక్‌లో నటించడానికి ప్రిపేర్‌ అవుతున్నారు సమంత.

మరిన్ని వార్తలు