పెంపుడు కుక్కలంటే అక్కినేని ఫ్యామిలీలో అందరికీ ఇష్టమే. సమంత, చైతూలు షూటింగ్‌లో ఎక్కడున్నా వాళ్ల మనసంతా వీటివైపే లాగుతుంది. ముఖ్యంగా సమంత పెంచుకునే ‘హష్’ అంటే వారికి బోలెడంత ఇష్టం. కుక్కపిల్లను కన్నబిడ్డలాగా చూసుకుంటుంది సామ్‌. కుక్కపిల్ల ఆలనాపాలనా అన్నీ తానే చూసుకుంటుంది. ఏ కాస్త టైమ్‌ దొరికినా ‘హష్’తో ఆడుకోడానికి ముందుంటారీ దంపతులు. కుక్కలపై విశేషంగా ప్రేమను చూపించే ఈ జంట మరోసారి వాటిని ఆడిస్తూ ఆనందంగా గడుపుతున్న ఫొటోలను సోషల్‌ మీడియాలో షేర్‌ చేసింది.
గ్యాంగ్‌స్టా అన్న పేరును తగిలిస్తూ హష్‌తో ఆడుకుంటున్న చైతూ ఫొటోను సామ్‌ అభిమానులతో పంచుకుంది. ఈ ఫొటోలో చైతూ కుక్కపిల్లను ఆడిస్తూ నవ్వులు చిందిస్తున్నాడు. కానీ ఈ ఫ్రేమ్‌లో సామ్‌ మిస్సయ్యింది. ఎందుకంటే ఇక్కడ సామ్‌ ఫొటోగ్రాఫర్‌ అవతారం ఎత్తి.. హబ్బీ హష్‌ను ఆడిస్తుంటే ఎంత ముచ్చటగా ఉందో అనుకుంటూ ఫొటో క్లిక్‌మనిపించింది. ఈ ఫొటోకు ఇప్పటికే 5 లక్షలకుపైగా లైకులు వచ్చాయి. ప్రస్తుతం ఈ అమ్మడు నటించిన ‘జానూ’ షూటింగ్‌ పూర్తవగా అటు చైతూ ‘వెంకీ మామ’ సినిమాతో బిజీగా ఉన్నాడు.
