హాలీవుడ్‌కి హలో

6 Aug, 2019 02:38 IST|Sakshi
షబానా ఆజ్మి

బాలీవుడ్‌ నటి షబానా ఆజ్మి బుడాపెస్ట్‌ ప్రయాణానికి సిద్ధమయ్యారు. హాలీవుడ్‌ దర్శకుడు స్టీవెన్‌ స్పీల్‌బర్గ్‌ నిర్మిస్తున్న ‘హాలో’ వెబ్‌ సిరీస్‌లో ముఖ్య పాత్రలో షబానా నటించనున్నారు. ‘హాలో’ అనే పాపులర్‌ వీడియో గేమ్‌ ఆధారంగా ఈ సిరీస్‌ తెరకెక్కనుంది. ఈ విషయం గురించి షబానా మాట్లాడుతూ – ‘‘ఇదో కొత్త ప్రయాణం. చాలా ఎగై్జట్‌మెంట్‌తో పాటు కొంచెం నెర్వస్‌గానూ ఉంది. ఈ ప్రాజెక్ట్‌ అనుకోకుండా నా దగ్గరకు వచ్చింది. దీనికోసం రెండు సినిమాలను కూడా వదులుకున్నాను. ఆ సినిమాలు వదులుకునేంత విలువైందే ఈ సిరీస్‌ అనుకుంటున్నాను’’ అన్నారు. అక్టోబర్‌లో ఈ వెబ్‌ సిరీస్‌ షూటింగ్‌ స్టార్ట్‌ కానుంది. ఇదివరకు ‘సిటీ ఆఫ్‌ జాయ్, లా నూట్‌ బెంగాలీ’ అనే హాలీవుడ్‌ చిత్రాల్లో నటించారు షబానా.

మరిన్ని వార్తలు