ఇంటి తాళం ఇచ్చేశాడు

24 Jun, 2018 02:10 IST|Sakshi
షారుక్‌ ఖాన్‌

న్యూరో ఎండోక్రైన్‌ క్యాన్సర్‌తో ఇర్ఫాన్‌ ఖాన్‌ బాధపడుతున్న సంగతి తెలిసిందే. దానికి సంబంధించిన ట్రీట్‌మెంట్‌ను ప్రస్తుతం లండన్‌లో తీసుకుంటున్నారు. అయితే ట్రీట్‌మెంట్‌ కోసం ఇర్ఫాన్‌ లండన్‌లో ఎన్ని నెలలుంటారో తెలియదు. కానీ లండన్‌లో ఆయనకు ఎటువంటి ఇబ్బంది ఉండకూడదని షారుక్‌ లండన్‌లోని తన ఇంటి తాళాలను స్నేహితుడు ఇర్ఫాన్‌ చేతికి అందించారట. ట్రీట్‌మెంట్‌కి ప్రయాణమయ్యే కొన్ని రోజుల ముందు షారుక్‌ని ఇంటికి ఆహ్వానించారట ఇర్ఫాన్‌ భార్య సుతపా. రెండు గంటలు మాట్లాడుకున్న ఈ స్నేహితులు, సంభాషణ ఆఖర్లో షారుక్‌ తన లండన్‌ ఇంటి కీస్‌ని ఇర్ఫాన్‌కి అందించారట. లండన్‌లో స్నేహితుడు ఎటువంటి ఇబ్బంది పడకూడదని, ఇంటి వాతావరణం మిస్‌ అవ్వకూడదని షారుక్‌ ఇలా చేసి ఉంటారని ప్రత్యేకంగా చెప్పక్కర్లేదు.

మరిన్ని వార్తలు