‘బ్రహ్మాస్త్ర’ కోసం సైంటిస్ట్‌గా మారారు షారుక్‌ ఖాన్‌ . రణ్‌బీర్‌ కపూర్, ఆలియా భట్‌ జంటగా అయాన్‌ ముఖర్జీ దర్శకత్వంలో తెరకెక్కుతోన్న చిత్రం ‘బ్రహ్మాస్త్ర’. ఇందులో అమితాబ్‌ బచ్చన్‌ , నాగార్జున, డింపుల్‌ కపాడియా కీలక పాత్రలు చేస్తున్నారు. ఈ చిత్రంలో షారుక్‌ ఖాన్‌ సైంటిస్ట్‌గా ఓ గెస్ట్‌ రోల్‌ చేశారని బాలీవుడ్‌ సమాచారం. షారుక్‌ సన్నివేశాలతోనే ఈ చిత్రం మొదలవుతుందట. కరోనా వైరస్‌ ప్రభావంతో ఈ సినిమా చిత్రీకరణ ప్రస్తుతం వాయిదా పడింది. మరోవైపు ‘జీరో’ (2018) చిత్రం తర్వాత షారుక్‌ ఖాన్‌ హీరోగా నటించే చిత్రంపై ఇప్పటివరకు సరైన స్పష్టత రాలేదు. తమిళ దర్శకుడు అట్లీతో ఓ హిందీ సినిమాకి గ్రీన్‌ సిగ్నల్‌ ఇచ్చారని సమాచారం.
