‘మీ పెళ్లి ఎప్పుడు?’ అని శ్రుతీహాసన్‌ను అడిగితే ‘ఆ ఒక్కటీ అడగద్దంటూనే, ఇతరుల పర్సనల్‌ లైఫ్‌ని గౌరవించండి’ అని కాస్త ఘాటుగా మాట్లాడతారు. కానీ సెలబ్రిటీల విషయాలను తెలుసుకునేవాళ్లు ఈ మాట విని ఆగుతారా? ఊహూ.. చాన్సే లేదు. లండన్‌కి చెందిన మైఖేల్‌ కోర్సలేతో శ్రుతి లవ్‌లో ఉన్నారని ఈ ఇద్దర్నీ అక్కడక్కడా చూసినవాళ్లు ఊహిస్తున్నారు.
ఆ ఊహలకు తగ్గట్టుగా మైఖేల్‌తో శ్రుతి బాహాటంగానే చెట్టా పట్టాలేసుకుని తిరుగుతున్నారు. ఆ మధ్య ఓ పెళ్లిలో, అలాగే తల్లి సారికతో, ఓసారి షాపింగ్‌ మాల్‌లో మైఖేల్‌తో కనిపించారు శ్రుతి. తాజాగా, ఈ ఇద్దరూ ప్రేమపక్షుల్లా విహరిస్తున్న ఫొటోలు బయటికి వచ్చాయి. మరి ఈ జంట ఏడడుగులు ఎప్పుడు వేస్తారో? అని ఔత్సాహికరాయుళ్లు మాట్లాడుకుంటున్నారు. సినిమాల సంగతికొస్తే... ఈ అమ్మడు విద్యుత్‌ జమాల్‌ హీరోగా రూపొందనున్న ఓ హిందీ సినిమాకు గ్రీన్‌సిగ్నల్‌ ఇచ్చారట.
