నార్మల్‌ డెలివరీ.. అందుకే ఆ పేరు: నటుడు

5 Jun, 2020 21:09 IST|Sakshi

తమ వంశ వృక్షాన్ని అనుసరించి తన కుమారుడికి వేద్‌ అని నామకరణం చేసినట్లు బాలీవుడ్‌ నటుడు సుమీత్‌ వ్యాస్‌ వెల్లడించాడు. వేద వ్యాసుడి అంశ నుంచి వచ్చిన వాళ్లం గనుక తన చిన్నారికి ఈ పేరు పెట్టడం సరైందేనని భావిస్తున్నానన్నాడు. కాగా బీ- టౌన్‌ సెలబ్రిటీ జంట సుమీత్‌ వ్యాస్‌, ఏక్తా కౌల్‌ గురువారం మగబిడ్డకు జన్మనిచ్చిన సంగతి తెలిసిందే. ఈ క్రమంలో ముంబై మిర్రర్‌తో సుమీత్‌ వ్యాస్‌ మాట్లాడుతూ ఏక్తాకు నార్మల్‌ డెలివరీ అయిందని.. తల్లీబిడ్డ క్షేమంగా ఉన్నట్లు తెలిపాడు.

‘‘చాలా ఏళ్ల క్రితం మా బంధువుల్లో ఒకరికి కొడుకు పుట్టినపుడు తనకి ఏం పేరు పెట్టాలా అని బుర్ర బద్దలు కొట్టుకున్నాం. అప్పుడు నాకు వేద్‌ అనే పేరు తట్టింది. అయితే మిగతావాళ్లు అంతగా ఆసక్తి చూపలేదు. కానీ నాకు మాత్రం బాగా నచ్చింది. అందుకే నాకు భవిష్యత్తులో కొడుకు పుడితే వాడికి ఈ పేరు పెట్టాలని అప్పుడే నిర్ణయించుకున్నా. నిజానికి మా వంశ వృక్ష మూలపురుషుడైన వేదవ్యాసుడి పేరును ప్రతిబింబించే ఈ పేరంటే నాకెంతో ఇష్టం. ఆ అంశలో మేమున్నాం కాబట్టి.. వేద్‌వ్యాస్‌ అనే పేరు నా కొడుక్కి సరిగ్గా సరిపోతుందనుకున్నా’’అంటూ పుత్రోత్సాహంతో పొంగిపోయాడు.(న‌వాజుద్దీన్ సిద్ధిఖీ కుటుంబం నుంచి బెదిరింపులు)

ఇక లాక్‌డౌన్‌ కారణంగా తన తల్లిదండ్రులు, అత్తమామలు ముంబైకి వచ్చి వేద్‌ను చూసే పరిస్థితి లేదని.. ఏదేమైనా ఏక్తా, వేద్‌ ఆరోగ్యంగా ఉండటం తనకు సంతోషాన్ని కలిగిస్తోందన్నాడు. కాగా డెలివరీకి ముందు ఏక్తా.. ‘పప్పా థాంక్యూ’ అంటూ సుమీత్‌తో తనకున్న అందమైన జ్ఞాప​కాలను ప్రతిబింబించే ఓ వీడియోను ఇన్‌స్టాలో షేర్‌ చేశారు. కాగా సుమీత్‌ వ్యాస్‌, ఏక్తా కౌల్‌ 2018లో జమ్మూలో ప్రేమ వివాహం చేసుకున్నారు. ఏప్రిల్‌లో తాము తల్లిదండ్రులం కాబోతున్నామంటూ ప్రకటించిన విషయం తెలిసిందే.

Our world is about to change. But my life has changed because of you. I am so thankful that we get to go on this ride together. So before all the screaming and diaper changing begins, I just want to say PAPA you are beautiful. Thank you !! @sumeetvyas

A post shared by Ekta Rajinder Kaul (@ektakaul11) on

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా