గత చిత్రంలో కనబడినట్లు తదుపరి చిత్రంలో కనిపించరు సూర్య. లుక్స్లోనే కాదు ఎంచుకునే పాత్రల్లోనూ విభిన్నతను చూపిస్తుంటారాయన. ప్రస్తుతం చేస్తున్న ‘ఎన్జీకే’లో రాజకీయ నాయకుడిగా, ‘కాప్పాన్’లో ఆర్మీ మేన్గా కనిపిస్తారు. ఈ చిత్రాలు కాకుండా ‘గురు’ ఫేమ్ సుధా కొంగర దర్శకత్వంలో ఓ సినిమా చేయనున్నారు.
ఎయిర్ డెక్కన్ సహ వ్యవస్థాపకుడు జీఆర్ గోపీనాథ్ జీవితం ఆధారంగా ఈ చిత్రం రూపొందనుందని టాక్. ఆకాశంలో ఎగిరే విమానం కామన్ మేన్కు అందేలా, ఎయిర్ చార్జీలు తగ్గడానికి ప్రధాన కారకుడు గోపీనాథ్. ఈ సినిమాలో గోపీనాథ్ పాత్రను సూర్య పోషించనున్నారు. ఈ నెలాఖర్లో షూటింగ్ స్టార్ట్ కానుంది. ఆస్కార్ అవార్డు పొందిన డాక్యుమెంటరీ ‘పీరియడ్ ఎండ్ ఆఫ్ సెంటెన్స్’కు నిర్మాణ విభాగంలో పని చేసిన గునీత్ మోంగ ఈ సినిమాకు పని చేయనున్నారు.