సుశాంత్‌ కథానాయకుడిగా సిరుని సినీ కార్పొరేషన్‌ పతాకంపై జస్వంత్‌ నడిపల్లి నిర్మిస్తున్న చిత్రం ‘చి‘‘ ల‘‘ సౌ’. ఈ చిత్రం ద్వారా నటుడు రాహుల్‌ రవీంద్రన్‌ దర్శకుడిగా పరిచయం అవుతున్నారు. రుహాని శర్మ కథానాయిక. ఇవాళ సుశాంత్‌ పుట్టిన రోజు సందర్భంగా ‘వరుడి పేరు అర్జున్‌.. మరి వధువు పేరేంటి?’ అంటూ ఈ చిత్రం ఫస్ట్‌ లుక్‌ను విడుదల చేశారు.
నిర్మాత మాట్లాడుతూ– ‘‘సుశాంత్‌ హీరోగా చేస్తున్న ఈ సినిమాతో నిర్మాతగా పరిచయం కావడం ఆనందంగా ఉంది. దర్శకుడు రాహుల్‌ చిత్రాన్ని అద్భుతంగా తెరకెక్కించారు. షూటింగ్‌ కంప్లీట్‌ చేసుకొని ప్రస్తుతం పోస్ట్‌ ప్రొడక్షన్‌ పనులు జరుపుతున్నాం. మే 11న ఈ సినిమాను రిలీజ్‌ చేసేందుకు సన్నాహాలు చేస్తున్నాం’’ అన్నారు. ఈ సినిమాకు కెమెరా: యం.సుకుమార్, సంగీతం: ప్రశాంత్‌ ఆర్‌. విహారీ.
