శ్రీహర్ష, క్రాంతి, సాయిత్రిశాంక్, బాబూమోహన్ ముఖ్యతారలుగా నటించిన చిత్రం ‘తెలంగాణ విజయం.’ బిపిన్ స్వీయ దర్శకత్వంలో ఈ చిత్రాన్ని నిర్మిస్తున్నారు. తెలంగాణ జె.ఎ.సి. చైర్మన్ ప్రొఫెసర్ కోదండరామ్ ఇందులో కీలకపాత్ర పోషించడం విశేషం. బిపిన్ మాట్లాడుతూ -‘‘తెలంగాణ ఉద్యమం కారణంగా నేలరాలిన అమరవీరుల కుటుంబాల ఆవేదనను ఇతివృత్తంగా తీసుకుని ఈ చిత్రాన్ని తెరకెక్కించాం. తెలంగాణలోని పలుగ్రామాల్లో చిత్రీకరణ చేశాం. పోస్ట్ ప్రొడక్షన్ పూర్తిచేసి త్వరలోనే చిత్రాన్ని విడుదల చేస్తాం’’ అని చెప్పారు. ఈ చిత్రానికి సమర్పణ: రమ్య.
