‘కారులో షికారుకెళ్లే పాలబుగ్గల పసిడీ దాన.. బుగ్గమీద గులాబీ రంగు ఎలా వచ్చెనో చెప్పగలవా’ అంటూ ‘తోడి కోడళ్ళు’ చిత్రంలో అక్కినేని నాగేశ్వరరావు పాడిన పాట ఎవర్‌గ్రీన్ హిట్. ఇప్పుడా ప్రస్తావన ఎందుకు? అంటే, ‘కారులో షికారుకెళితే’ పేరుతో తాజాగా ఓ చిత్రం తెరకెక్కింది. ధీరూ మహేశ్, సుదర్శన్ కళాధర్, సురేశ్, ఇషికా సింగ్, ప్రియ ప్రధాన పాత్రల్లో మాదాల కోటేశ్వరరావు దర్శకత్వంలో మధు, అనీష్, అభిరాం నిర్మించారు.
ఈ చిత్రం మోషన్ పోస్టర్‌ను నటుడు మాదాల రవి, టీజర్‌ను నిర్మాత బెక్కం వేణుగోపాల్ విడుదల చేశారు. దర్శకుడు మాట్లాడుతూ- ‘‘ఫ్రెండ్స్ అంతా కలిిసి కారులో షికారుకెళితే ఏం జరిగింది? అన్నది కథాంశం. ఇందులో ఉన్న సన్నివేశాలు ఉత్కంఠకు గురి చేస్తాయి. సెప్టెంబరులో పాటలు, సినిమా విడుదల చేసేందుకు సన్నాహాలు చేస్తున్నాం’’ అని తెలిపారు.
