తెనాలి రామకృష్ణ పేరు వినగానే పెదాలపై నవ్వు తన్నుకొస్తుంది. వికటకవిగా తెలుగువారికి ఆయన అంత సుపరిచితులు. ఇప్పుడు ఆయన పేరును గుర్తు చేస్తూ సందీప్‌ కిషన్, హన్సిక జంటగా ఓ చిత్రంలో నటిస్తున్నారు. ఆ సినిమా పేరు ‘తెనాలి రామకృష్ణ బి.ఎ.బి.ఎల్‌’. శ్రీ నీలకంఠేశ్వరస్వామి క్రియేషన్స్‌పై ఈ చిత్రం తెలుగు, తమిళ భాషల్లో ఏకకాలంలో తెరకెక్కుతోంది. జి.నాగేశ్వరరెడ్డి దర్శకత్వం వహిస్తున్నారు. పూర్తిస్థాయి వినోదాత్మక చిత్రంగా రూపొందుతున్న ఈ చిత్రం అరవై శాతం షూటింగ్‌ పూర్తి చేసుకుంది. వరలక్ష్మీ శరత్‌కుమార్‌ ఓ కీలక పాత్ర చేస్తున్నారు. ఈ చిత్రం ఫస్ట్‌ లుక్‌ను మే 7న విడుదల చేయనున్నారు. సంగీతం: సాయికార్తీక్, కెమెరా: సాయిశ్రీరాం.
