తుమ్మెద గీతాలు

25 Nov, 2013 23:54 IST|Sakshi
తుమ్మెద గీతాలు
రాజా, వర్షపాండే, విజయ్‌ధరణ్, అక్షయ్ ప్రధాన పాత్రధారులుగా రూపొందుతోన్న చిత్రం ‘తుమ్మెద’. ‘మనసులేని ప్రేమికుల కథ’ అనేది ఉపశీర్షిక. కె.నారాయణ ఈ చిత్రం ద్వారా దర్శకునిగా పరిచయం అవుతున్నారు. నరేష్ అడపా, సరయు చిట్టాల, అడపా కొండలరావు నిర్మాతలు. ఎం.ఆర్. స్వరాలందించిన ఈ చిత్రం పాటలను హైదరాబాద్‌లో విడుదల చేశారు. నల్లమలుపు శ్రీనివాస్(బుజ్జి) ఆడియో సీడీని ఆవిష్కరించి తొలి ప్రతిని డీఎస్ రావుకి అందించారు. మంచి సినిమాలను ఆదరించే ప్రేక్షకులకు ఈ చిత్రం తప్పకుండా నచ్చుతుందని దర్శకుడు చెప్పారు. ‘ఆనంద్’ తర్వాత తనకు మళ్లీ అంతటి పేరు తెచ్చే సినిమా అవుతుందని రాజా ఆశాభావం వ్యక్తం చేశారు. ఈ సినిమాలో భాగం అవ్వడం పట్ల యూనిట్ సభ్యులందరూ ఆనందం వ్యక్తం చేశారు.