ప్రేమను అందంగా ఆవిష్కరిస్తూ తీసిన చిత్రం ‘యస్’(అందమైన ప్రేమకథ). అభిరామ్, శ్రుతీరాజ్‌లను హీరో హీరోయిన్లుగా పరిచయం చేస్తూ దేవాస్ మీడియా అండ్ ఎంటర్‌టైన్‌మెంట్, శ్రేయాస్ మీడియా సంయుక్త నిర్మాణంలో శ్యామ్‌దేవభక్తుని, జి. శ్రీనివాసరావు ఈ చిత్రాన్ని నిర్మిస్తున్నారు. రజిని తనయ్ దర్శకుడు. ఈ సినిమా ప్రచార చిత్రాన్ని ప్రేమికుల రోజు సందర్భంగా శనివారం హైదరాబాద్‌లో విడుదల చేశారు. ఈ సందర్భంగా దర్శకుడు మారుతి మాట్లాడుతూ-‘‘ఫ్రెష్ థాట్‌తో తీసిన ఈ చిత్రాన్ని తప్పకుండా ప్రేక్షకులు ఆదరిస్తారు’’ అన్నారు. ‘‘ఇది ఒక అందమైన ప్రేమకథ. త్వరలోనే విడుదల చేస్తాం’’ అని నిర్మాతలు తెలిపారు. ఈ చిత్రానికి సంగీతం: ఇంద్రగంటి, కెమెరా: గొట్టిపాటి సురేశ్.
