నవంబర్‌ నుంచి మామ అల్లుళ్ల మల్టీస్టారర్‌

25 Oct, 2018 11:07 IST|Sakshi

సీనియర్‌ హీరో వెంకటేష్‌, యువ కథానాయకుడు నాగచైతన్య కాంబినేషన్‌లో తెరకెక్కుతున్న మల్టీస్టారర్‌ మూవీ వెంకీ మామ. నిజజీవితంలో కూడా మామా అల్లుళ్లైన వెంకీ, చైతూలు ఈ సినిమాలో కూడా మామా అల్లుళ్లుగా నటిస్తున్నారు. సురేష్‌ ప్రొడక్షన్స్‌.. కోన వెంకట్‌, పీపుల్స్‌ మీడియా ఫ్యాక్టరీతో కలిసి నిర్మిస్తున్న ఈ సినిమాకు బాబీ దర్శకుడు.

జై లవ కుశ లాంటి సూపర్‌ హిట్ తరువాత బాబీ దర్శకత్వంలో తెరకెక్కుతున్న సినిమా కావటంతో వెంకీ మామపై మంచి హైప్ క్రియేట్‌ అయ్యింది. పక్కా కమర్షియల్‌ ఎంటర్‌టైనర్‌గా తెరకెక్కుతున్న ఈ సినిమా నవంబర్‌ రెండో వారం నుంచి ప్రారంభం కానుంది. ఈ మూవీలో చైతూ సరసన రకుల్ ప్రీత్‌ సింగ్ హీరోయిన్‌గా నటిస్తుండగా వెంకటేష్‌కు జోడిగా బాలీవుడ్‌ నటి హ్యూమా ఖురేషీ నటించనున్నారు.

మరిన్ని వార్తలు