మక్కల్‌ సెల్వన్‌ విజయ్‌ సేతుపతి మరో కొత్త ప్రాజెక్ట్‌ను మొదలుపెట్టారు. విలక్షణ నటుడిగా పేరు తెచ్చుకున్న విజయ్‌.. కేవలం కోలీవుడ్‌లోనే కాకుండా మొత్తం సౌత్‌లో మోస్ట్‌ టాలెంటెడ్‌ హీరోగా ఫ్యాన్‌ ఫాలోయింగ్‌ను పెంచుకుంటూ వెళ్తున్నాడు. సినిమా సినిమాకు తన క్రేజ్‌ను పెంచుకుంటున్న విజయ్‌.. ప్రస్తుతం పలు చిత్రాలతో బిజీగా ఉన్నాడు. తాజాగా మరో ప్రాజెక్ట్‌ను పట్టాలెక్కించాడు.
ఐశ్వర్యా రాజేశ్‌ హీరోయిన్‌గా నటిస్తున్న ఈ చిత్రాన్ని కేజేఆర్‌ స్టూడియోస్‌ నిర్మిస్తోంది. ఈ మూవీకి సంబంధించిన పూజా కార్యక్రమాలను పూర్తి చేసుకున్న చిత్రబృందం మిగతా నటీనటులు, సాంకేతిక బృందం గురించి త్వరలోనే వెల్లడించనున్నట్లు పేర్కొంది. విజయ్‌ ‘సైరా’ సినిమాతో టాలీవుడ్‌లో ఎంట్రీ ఇస్తున్న సంగతి తెలిసిందే. అంతేకాకుండా వైష్ణవ్‌ తేజ్‌ ‘ఉప్పెన’ చిత్రంలో నెగెటివ్‌ పాత్రను పోషిస్తున్నాడు.
