తమిళంలో రేసు మొదలైంది. ఇది పరుగు పందెం కాదు పడమ్‌ పందెం. ‘పడమ్‌’ అంటే తమిళంలో సినిమా అని అర్థం. ఈపాటికే మీకు అర్థం అయ్యుంటుంది. ఇది రిలీజ్ రేస్‌ అని. ఈ దీపావళికి తమిళంలో 3 పెద్ద సినిమాలు రెడీ అవుతున్నాయి. అందులో విజయ్‌ ‘సర్కార్‌’, అజిత్‌ ‘విశ్వాసం’, సూర్య ‘ఎన్‌జీకే’ ఆల్రెడీ రేస్‌లో ఉన్నాయి.
ఇప్పుడు లేటెస్ట్‌గా విక్రమ్‌ కూడా జాయిన్‌ అయ్యారు. గౌతమ్‌ మీనన్‌ దర్శకత్వంలో విక్రమ్‌ హీరోగా రూపొందుతోన్న స్పై థ్రిల్లర్‌ ‘ధృవనక్షత్రం’. ఈ సినిమా షూటింగ్‌ లాస్ట్‌ షెడ్యూల్‌లో ఉంది. ఈ చిత్రాన్ని కూడా దీపావళి రేసులో దింపాలని దర్శకుడు భావిస్తున్నారట. మరి ఈ నలుగురు హీరోల్లో దీపావళి రేస్‌లో లాస్ట్‌ వరకు ఎవరు నిలుస్తారో? ఫైనల్‌గా ఎవరు గెలుస్తారో వెయిట్‌ అండ్‌ సీ.
